როგორც ჩანს „ეკო-vision”-ის წევრები საგაზაფხულო არდადეგებს შინაარსიანად ატარებენ, ემზი და ბაჩა გოზალიშვილებმა, თბილისში ნაძალადევის რაიონში, თემქაზე ქვების სვეტებისაგან შექმნილი მონუმენტი - ,,საქართველოს მატეანე" მოინახულეს და თავისი შთაბეჭდილებები ფოტოებითაც გაგვიზიარეს. მონუმენტი 1980 წელს შეიქმნა და მისი ავტორი საქვეყნოდ ცნობილი მოქანდაკე ზურაბ წერეთელია. მონუმენტის სახელწოდება „საქართველოს მატიანე" სრულად ასახავს საქართველოს რელიგიურსა და ისტორიულ მოვლენებს. ქვასა და ბრინჯაოში შესრულებულია უფლის შობის, აღდგომის, ხარების და ქრისტეს ცხოვრების სხვადასხვა ეპიზოდის ამსახველი ქანდაკებები. გარდა ამისა, აქ ნახავთ კლასიკოსი მწერლების: ვაჟას, ილიას, აკაკის, შოთას ნაწარმოებების ქვაში გაცოცხლებულ პერსონაჟებსა და მოქმედებებს მათი უკვდავი ნაწარმოებებიდან .საქართველოს ღვაწლმოსილი ადამისნების შესახებ მონუმენტი ბევრ რამეს უამბობს მნახველს, აქვე შეგიძლიათ ღვთისმშობლის სახელობის მოქმედი ეკლესია მოილოცოთ.
მიზანი 11: ქალაქებისა და დასახლებების ინკლუზიური, უსაფრთხო და მდგრადი განვითარება.
Комментариев нет:
Отправить комментарий